ବିଜ୍ଞାନ ଦିବସ ଅନୁଚିନ୍ତା
ବିଜ୍ଞାନ ଦିବସ ଅନୁଚିନ୍ତା
ପ୍ରମାଣ ସିଦ୍ଧ ତତ୍ତ୍ୱ ଆଧାରରେ
ଅରଜିତ ଯେଉଁ ଜ୍ଞାନ l
ସରଳ ଭାଷାରେ ତାହାକୁଟି ଆମ୍ଭେ
କହି ଥାଉଁ ହିଁ ବିଜ୍ଞାନ ll
ଜିଜ୍ଞାସା ହିଁ ଅଟେ ବିଜ୍ଞାନ ଜନକ
ଵୀକ୍ଷଣଟି ମହାମନ୍ତ୍ର l
ଵୀକ୍ଷଣ ଓ ପରୀକ୍ଷଣ କ୍ଷଣେ କ୍ଷଣେ
ସତ୍ୟ ହୁଅଇ ପ୍ରକଟ ll
ଏ ସାରା ସଂସାରେ ରହିଛନ୍ତି ପୁରି
କେତେ ଜୀବ ଜନ୍ତୁ ପ୍ରାଣୀ l
ମଣିଷକୁ ଏକା ଈଶ୍ୱର କଲ୍ୟାଣ
ଭଲ ମନ୍ଦ ପାରେ ଜାଣି ll
ସେହି ଜ୍ଞାନ ବଳେ ମହାନ ବିଜ୍ଞାନୀ
ନିଉଟନ ଆଇନଷ୍ଟେନି l
ମାନବ କଲ୍ୟାଣେ ବିଜ୍ଞାନ ତତ୍ତ୍ୱକୁ
ସମ୍ମୁଖେ ଥୋଇଲେ ଆଣି ll
ସି ଭି ରମଣ, ଜଗଦୀଶ ବୋଷ ପୁଣି
ଏଡୱାର୍ଡ ଜେନର l
ବିଜ୍ଞାନ ଜ୍ଞାନକୁ ଖଟାଇଲେ ଆଣି
ଯେସନେ ନର କିଙ୍କର ll
ବିଜ୍ଞାନ ଅଟଇ ଉତ୍ତମ ସେବକ ଆୟତ୍ତେ
ଟି ତାହା ଥିଲେ l
ଆୟତ୍ତୁ ବାହାର ହୋଇଲେ ବିଜ୍ଞାନ ସୃଷ୍ଟି
ନାଶେ ଅବହେଳେ ll
ଦେଖୁଛ ତ ଭାଈ ବିଜ୍ଞାନୀ ମଣିଷ ଅଜ୍ଞାନୀ
ପରାୟେ ହୋଇ l
ସୃଷ୍ଟିରେ ଆଜି ତାଣ୍ଡବ ରଚିଛି ବେଶି
କିଛି କହୁନାହିଁ ll
ବିଜ୍ଞାନ ଦିବସେ ସର୍ବେ ଚିନ୍ତ ଭାଈ
ବିଜ୍ଞାନର ହେଉ ଜୟ l
ବିଜ୍ଞାନ ଲାଗୁ ମାନବ କଲ୍ୟାଣେ
ଏଡ଼ାଇ ଅଜ୍ଞାନ ଭୟ ll
ନର ଦେହେ ଥିବ ଯାବତ ହୃଦୟ
ବିଜ୍ଞାନ ନ ହେବ ଲୟ l
ବିଶେଷ ଜ୍ଞାନରେ ବିଜ୍ଞାନୀ ସାଧିଲେ
ବିଜ୍ଞାନ ସିଦ୍ଧାନ୍ତ ଚୟ ll