वसंत

वसंत ऋतू सूरू जाहला

वाढली पक्षांची किलबिल 

फुलांभोवती दिसू लागली 

फुल पाखरांची रेलचेल

प्रातःकाली आकाश उघडे

धरती वर दवबिंदूंचे जल

सूर्याचा काही नसे भरोसा

कधि तळपेल कधी लपेल

हरीत पर्णांनी लपून दर्शती

तलाव कसे निर्जल

अचानक त्यात फुलती

लाल कमल पुष्प कोमल 

दुःख वेदनांवर निसर्गाने

जणू पांघरूणच घातलं

धरणी वर सुख शांतीचे

छान नव चैतन्य आणलं 

वसंतातला बहर पिकांचा

शेतं धरती वर डोलतील

कष्टांचे असे फळ पाहता

बळीराजे आनंदी होतील

निसर्गाचा असा रम्य नजारा 

दिसे वसंत ऋतुत केवळ

म्हणूनच तर बहाल त्यासी

राजस्व सहा ऋतूंमधील !