विसरु नको मला

मन मनाला जुळलं

प्रेमाचं गणित जमलं

साथ आपली जुळली

आकाश खाली झुकलं

अमेरिकावारी ठरली

पायाखालची भुई सरकली

परतणार कधी राजसा

मनात पाल चुकचुकली

भुलभुलैय्या दुनिया

गुंतते मन मोहजाला

कातर मन विचारते

नाही ना विसरणार तू मला?

खरंच सांगते तुला

केले प्रेम विश्वासून

कितीही लांब गेलास तरी

नाही ना जाणार विसरुन?

साथ तुझी माझी आहे

साथ जन्मजन्मांतरीची

आहे खात्री तुझ्या प्रीतीची

वाट पाहीन तुझ्या परतीची