स्वप्नातली परी

स्वप्नातली ती परी हरवली कुठेतरी आज

पण मन मात्र होत नाही निराश

कुठूनतरी येईल ती एवढीच त्याला आस

लहान असताना किती बरं होतं

सगळं कसं अगदी साधं होतं

काहीही झालं तरी एक आशा होती

कारण ती परी नेहमीच सोबत होती

पण आता मोठं झालो म्हणून काय झालं

परी नसली तरी तिच्या जादूच रहस्य आम्ही शोधलं

कशाचीच मुळी भिती वाटत नाही आता

नकाराच्या प्रवासातही शोधतो आम्ही होकारच्या वाटा

एक दिवस मग नक्की सापडेल ती परी

कारण दडलेली आहे ती आपल्याच कुठेतरी