वेळ

जरासा उशीर काय झाला

सगळं गणितच विसकटलं

ऊन जरा जास्तच रागावलं

त्याच्या तडाख्याने उमललेलं

नवकोर उमेदीचं फूल अगदी कोमेजून गेल

प्रवास सुरुच राहिला

कारण सिग्नल अजूनही green होता

कुठेतरी अंतर मिटेल याचसाठी वेडा जीव झुरत होता

वाट पहात होतं कुणीतरी घरी

म्हणून तगमग ही वाढली

"Sorry, अरे आजही बस चुकली..."

या वाक्यानंतरच्या तुझ्या त्या लटक्या रागासाठी

मी माझी वेळ कधीच नाही पाळली।