सत्संग

परमेश भक्ती | आनंदे करावी

साधना करावी | ईश्वराची

नाम जप तप | नित्य आचरावे

सत्संग जोडावे | नित्यनेमे

मनाची बैठक | पूर्ण साधनेने

मनोबल वाढे | परिपूर्ण 

नको मोह मनी | माया प्रपंचाचा

नामस्मरणाचा | जप करी

एकाग्र करावे | मन हे चंचल

सत्संग देईल | मनःशांती

भक्ती मनी ध्यानी | सदा सुविचार

तैसाचि आचार | कर्मामधे

हरी मुखे बोल | पवित्र वागावे

भक्तिमार्गे जावे | जीवनात

सत्य वदे वाचे | शुध्द आचरण

तमोगुण तण | उपटावे

साधना सन्मार्ग | नित्य सत्संगाने

जीवन सार्थकी | परमार्थे