सौंदर्य नव्या सृष्टीचे

नवा सोहळा सृष्टीचा

नव ऋतु आगमनाचा

नव सौख्य पालवीचा

हा गारवा हेमंताचा

प्रफुल्लित वृक्ष सारे

नव्या उमाळीचे वारे

लुब्ध कोवळी अंकुरे

होती क्षणांत हसरे

आसुसलेल्या सृष्टीस

मोहक मोती नजराणा

लाजऱ्या पहाटेस

नजरेचा बहाणा

नव आशामयी सृष्टी

ओढते निळे अस्तर

नव रंगाच्या साक्षीने

जन्मते नव अंकुर

नवदिन आरंभास

सोनकिरणांचे आगमन

आलिंगिती सृष्टीस

अनमोल हे क्षण!