रूपवती (निसर्ग)

धुंद धुक्याची पहाट....

कोणी अशी आच्छादली,

माथ्यावर डोंगराच्या 

श्वेत शाल मखमली !

दरी खोऱ्यांतून वाहे....

अखंडित हा गारवा, 

निसर्गाचा अविरत

छेडी कोण तो मारवा !

शुभ्रवर्णी धबधबा.....

फेसाळतो कोसळून,

खडकांच्या कपारीत

जल मोती ओसंडून !

हिरवळ चहूकडे....

बहरली फुले,पाने,

किलबिल पक्षांचीही 

हळूवार गाई गाणे !

दुरवर पसरली.....

छटा ही रंगीबेरंगी,

चित्र भासे अप्रतिम 

निसर्गाचे रे अत्रंगी !

कोठे हिम विराजतो.....

कोठे धारा वर्षावती,

सृष्टी अवघी नटली

आविष्कारी रूपवती !