रोजच्यासारखे रोज

रोजच्यासारखे जगणे आणि रोजच्यासारखे वागणे

मोजून मापून हसणे नि तोलून मापून बोलणे

सरळसोट वाट आमची, वळणे नाहीच माहित

संध्याकाळहि हळूच जाई , बसची वाट पाहित

थ्रिल कशास अनुभवावे , उगाच वैतागवाडी

प्रवासामध्येहि कशास पहावे , ते रस्ते अन् ती झाडी

चाकोरीतील आठवडा अन् सुटीचीही तीच तऱ्हा गिरवलेला शृंगार आणि कंटाळयाचा कऱ्हा

ठरविलेले आयुष्य आणि ठरलेले मुक्काम पोस्ट

आरंभापासून अखेरपर्यंत , एवढीच आमची गोष्ट..