रोजचीच ती सांजवेळ

रोजचीच ती सांजवेळ केशरी रंगात न्हाऊन येते

नको म्हंटल तरी कातरवेळ सजून येते

हुरहूर मनात दाटून आठवणींचा हुंदका घेऊन येते

मनाच्या डोहात उतरून डोळ्यांच्या काठी भरून येते

रोजचीच ती सांजवेळ केशरी रंगात न्हाऊन येते

ऊन्ह सावली पाठशिवणीचा खेळ खेळून

किनाऱ्याशी सलगी करू पाहते

दिपज्योतिच्या प्रकाशात रंगून

मनीचे मळभ दूर सारून उमेदीचा रंग लेऊन जाते

रोजचीच ती सांजवेळ केशरी रंगात न्हाऊन येते