प्राणज्योत ( अभंग रचना )

आईची मुलगी | खूप ती शिकली ॥

तीला पाठवली I परदेशी ॥ १ ॥

राही एकटीच । आई ती बिचारी ॥

लेकीस विचारी | फोन करी ॥ २ ॥

वाढला दूरावा I संवाद संपला ॥

नाळेचा तुटला I हा ओलावा ॥ ३ ॥

शेजारी सांगती | आई आता गेली ॥

काय चूक झाली ? I सांग तरी ॥ ४ ॥

तुम्हीच उरका I पुढील कार्य ते ॥

प्रश्न का भलते | विचारता ? ॥ ५ ॥

असा एक लेक I विदेशी गेलेला ॥

तेथे स्थिरावला | कायमचा ॥ ६ ॥

आई राहतसे | त्या इमारतीत ॥

ऊंच मजल्यात I एकटीच ॥ ७ ॥

कोणा ना लागला | थांगपत्ता काही ॥

देह तरी पाही | दाराकडे ॥ ८ ॥

वर्षभराने तो | मुलगा हो आला ॥

सांगाडा पाहिला | सोफ्यावर ॥ ९ ॥

प्राणज्योत अशा | किती मालावल्या |

वांझोट्या ठरल्या I समाजात ॥ १० ॥