नवा सूर
नवा सूर
आता वाटते पुन्हा जगावे
जुन्या स्वप्नांना नव्याने बघावे
विसरून टाकावे सारे व्याप
कशाला बाळगावा जगाचा ताप
नव्या नजरेने पाहावे सारे
उंच उडूनी तोडावेत तारे
झुलावे स्वच्छंदी पाखरासवे
बागडावे फुलावर जेव्हा हवे
मोठ्याने गावे गाणे कधी
झिंगुनी नाचावे स्वप्नामधी
हरवून जावे छंदात आपुल्या
बाहेर काढा भावना त्या लपल्या
स्वप्नांना साकारण्या पुन्हा जगावे
ठाम रोवूनी पाय जगाकडे बघावे
वाटेतले करावेत अडसर दूर
सापडू दे जीवनाचा नवा सूर
नेहमी आपण तेच तेच आयुष्य जगत असतो किंवा जगत आलोय
अशा वेळी काही वेगळ्या गोष्टी आपल्याला आनंद देवून जातात
नव्याने जगण्याची उमेद देतात
आणि त्या करता तुम्ही स्वतः ठरवलेली पण न घडलेली गोष्ट केलीत तर तो आनंद निराळाच असतो