गुड गर्ल म्हणते

आई बाबा माझे 

स्कुलला जाते

आजी सोबत माझ्या

मी एकटीच राहते....

गरम गरम पाण्याने

आजी आंघोळ घालते

तीच्या साडीच्या पदराने

केस माझे कोरडे करते...

'' नवरी बाई माझी, ग ! "

मला टॉवेल गुंडाळते

खांदयावर घेऊन मग

मला झोपी घालते...

हाक ऐकताच माझी

आजी जवळ मला घेते

दूध , वरण - भाता , चप्पा

चिऊ काऊचा घास भरवते...

ऐकले नाही जर आजीचे

तर , " एक बॅड गर्ल आहे ", म्हणते

गळ्यात पडून " सॉरी ", म्हटले की

पापे घेत माझे मला, " गुड गर्ल म्हणते.... "