आठवांचा हिंदोळा
आठवांचा हिंदोळा
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
262
कधी अचानक मन
वेगे झुले झुल्यावरी
आठवांची वावटळ
मन वेडेपिसे करी (1)
रम्य बालपणातली
मजा वेड लावतसे
उष्टी चिंचा बोरे आवळे
खाल्ले अधाशासारखे (2)
शैशवानंतर आले
मुग्ध यौवन दालन
मनी गोड गुंजतसे
प्रिय व्यक्तीचे दर्शन (3)
घर संसार मध्यमा
पार पाडे कर्तव्यचि
संधीकाली हो कातर
दृष्टी दूर पैलतीरी (4)
भावनांचे आवर्तन
ललकारी टप्पा देतो
आठवांच्या झुल्यावरी
वावटळ शमवितो (5)