રીઢા થયાં

આઘાત લાગે જ્યારે ઉઝરડા કાંટો જ ફૂલને આપે,

આઘાત લાગે જ્યારે કરવત, કુહાડીના હાથ જ વૃક્ષો કાપે,

સંબંધો સોનાની સાંકળ સમા જોવામાં જ ખુશી આપે,

હક્કો અને ફરજોની એરણે ચડે ત્યારે જ બંધન માપે,

ઋતુઓ બદલાય છે ને જીવનધારા પણ ગતિચક્ર સાથે,

વાત છે વખતની વખતને, વખત જ મ્હાત આપે,

ઘરોબો ઘર જેવો જ છે અમારે તો મુશ્કેલીઓ સાથે,

સંબંધો ટકી રહ્યાં છે હજુ, સંવાદિતા જ મજબૂતી આપે,

પ્રત્યાઘાત હવે નહીંવત મળે છે માત્ર સ્મિત સાથે,

રીઢા થયાં આઘાતથી ભલે જિંદગી ઘાત પર ઘાત આપે.