"Ek Cup Chai Aur Zindagi Ka Sabak"

Noida ke Sector 12-22 market mein ek chhoti si chai ki dukaan hai, jahan shyaam ko hamesha bheed hoti hai. Aaj wahan ek insaan akela baitha tha—Alok Verma. Uska chehra udaas tha, aankhon mein nirasha aur dimaag mein frustration ka tufaan.

 

Subah ghar par uski patni Anjali ke saath bura jhagda hua tha. Ghar ke kharche din-ba-din badhte ja rahe the—bachon ki school fees, ration, electricity bill aur agli mahine ka kiraya. Alok ke paas in sab ka jawab nahi tha. Paisa khatam ho gaya tha aur naye source ka pata nahi tha.

Jhagda itna badh gaya ki Alok ne bina kuch bole ghar chhod diya aur seedha chal pada market ki taraf. Tabhi uski nazar chai ki dukaan par padi aur wo wahin jaakar baith gaya.

 

A Trip Down Memory Lane

 

Chai ki pehli chuski ne use jaise uske past mein wapas bhej diya.

Usne yaad kiya apne purane din—jab wo Infomind Technologies, Sector 62 ke ek reputed IT company mein kaam karta tha. Wahan usne bade bade projects lead kiye, naye clients laaye aur apni team ko hamesha support kiya.

 

Ek waqt aisa tha jab Alok ko log “company ka star performer” kehte the. Har project ki success mein uska naam sabse upar hota tha. Usne apne manager Rajat Sharma ka hamesha vishwas jeeta.

Lekin ek saal baad hi situation badal gayi. Market down ho gaya, projects kam ho gaye, aur management ne cost-cutting shuru ki. Tab Rajat ne dheere-dheere Alok ko side karna shuru kar diya. Meetings mein uski baat ignore hoti, naye projects mein uska naam nahi hota. Dheere-dheere narrative banaya gaya ki “Alok ek expensive resource hai.”

 

Aur ek din review meeting mein usse kaha gaya—

“Alok, we value your contribution but you should start looking for another job.”

Alok shock mein tha. Usne manager se haath jod kar extension maanga—“Sir, mujhe family ke liye kuch time chahiye.” Rajat ne bas ek mahina diya.

Us ek mahine mein Alok ne job market mein khud ko tod diya, interviews diye, par recession ke time kisi ne haath nahi pakda. Aur aaj uski pocket bilkul khaali thi.

 

Present Reality

 

Alok apni chai mein dooba tha ki tabhi chaiwala, Ramesh, awaz deta hai—

“Saab, aur chai doon?”

 

Alok jhatke se present mein laut aata hai. Usne haan ki aur ek aur cup mangaya. Chuski lete lete usne socha—

“Main apni company ke liye poora jee jaan laga diya. Har pal unki success ke liye laga raha. Lekin maine kabhi apna kuch nahi banaya, koi side hustle, koi backup plan. Aur aaj jab unhone mujhe nikal diya toh main bilkul khaali haath hoon….”

 

Wapas ghar chal padte hue uske mann mein sirf ek hi khayal ghoom raha tha—“Kaash maine kuch apna shuru kiya hota, toh aaj family ke saamne itna majboor na hota.”

 

The Lesson

 

Alok ki kahani bas uski kahani nahi hai—ye un hazaron professionals ki kahani hai jo apna pura career ek hi company ke liye dedicate kar dete hain, lekin jab company ko unki zaroorat nahi hoti toh ek din mein unhe nikal diya jata hai.

 

👉 Is kahani se sabko ek seekh leni chahiye:

Side Hustle Zaroori Hai – Apne skill ka ek extra source of income banana bahut important hai. Chahe freelancing ho, consulting, ya koi chhota sa business—backup hamesha hona chahiye.Financial Planning – Salary aati hai toh sab kharch kar dena galti hai. Ek emergency fund banana hi chahiye jo kam se kam 6–12 mahine tak ke kharche nikal sake.Networking & Upskilling – Har waqt apni skills ko update karte rahiye aur apna professional network banate rahiye. Job market tough hota hai, lekin network kabhi kabhi life saver ban jaata hai.Company is Temporary, You are Permanent – Kisi bhi company ko apna sab kuch mat samajhiye. Wafadari achhi hai, lekin self-dependency aur apne dreams aur security pe focus karna aur bhi zaroori hai.

 

Alok ki aankhon se nikli aansoon ne use ek naya iraada diya—

“Main ab apna kuch khud shuru karunga. Aur chahe jitna bhi time lage, apni family ko phir kabhi majboor nahi hone dunga.”

 

💡 Kahani ki seekh ye hai: Job zaroori hai, par ek side hustle aur apna financial backup aur bhi zaroori hai. Varna ek din chai ki dukaan par baith kar, aap bhi Alok ki tarah sochenge—‘Kaash…!’

 

👉 Ye kahani har professional ke liye ek mirror hai jo ye so chat hai ke Jis company me woh job kar raha hai, wahi uske liye sab kuch hai aur itna hi Kaffi hai.