🌸Dil Se Teachers Ki Awaaz

Hello
Aap sabhi ko lagta hoga teachers ki life bohot asan hoti hai par aisa nahi hai. Mai ek student bhale hi hoon par mai apko batana chati hoon ki hamari/hamare teachers hamare liye kitni takleefein uthate hain jaise tabiyat kharab hone par bhi bo koshish karte hain ki hamari ki ek din ka school aur hamare hath se kuch naya shikne ka moka kharab na jaye. Unka mood chaye kitna bhi kharab ho, dil rona chata ho, fir bhi teachers roz hamare liye hamare samne muskaan liye khade ho jate hain.

👩🏻‍🏫Ladies Teachers ki Takleefein 

Ladies teachers ki pareshani aur bhi jada hoti hain like subah jaldi uthkar ghar ke sare kaam karna, family ka dhyan rakhna, phir school aana ---- jab tak bo class mein khadi hoti hain tab tak bo pehle hi thak chuki hoti hain. Par phir bhi apke samne chere pe ek muskaan liye khadi hoti hain. Akshar tabiyat thik na hone par bhi bo students ko padati hain, kyunki unki icha hoti hai ki students ki ek din ki padayi ka moka waste na jaye. Kabhi apna khud ka lunch chod deti hain students ki problem solve karne ke liye, kabhi apna rest sacrifice karke students ka homework check karti hain. Unka din tu ghar ke kaam se suru hota hai aur raat bacho ke liye notes banane tak chalta hai. Phir bhi bo complaint nahi karti, kyunki unke liye sabse badi khushi hoti hai ---- jab unke padaye huye students kuch seekh lete hain, progress karte hain aur muskurate rehte hain. Jab koi student lunch lana bhool jaye tu bo unke sath apna lunch bhi share karti hain. Mere school mein ek ma'am hain unki abhi tak shadi nahi huyi phir bhi unke 28 bache hain kyunki har teacher ke liye unke students bhi unke  bache hi hote hain.


👨🏻‍🏫Men Teachers ki Takleefein 

Male teachers ki kahani bhi utni hi muskil hoti hai. Unpar ghar ki zimmedariyan, financial pressure aur family ke future ki chinta hoti hai. Kabhi kabhi unke dil mein apne bachon ki bhi tension hoti hai, kabhi parents and society ki umeedein bojh ki tarah ban jati hain ---- ye sab unke dimag mein hota hai. Phir bhi bo apke samne aise khade hote hain jaise unki life perfect ho. Wo raat bhar copy check karte hain ya students ke doubts solve karte hain, aur apna personal time students ke liye laga dete hain. Kabhi apna tiffin students ke sath baat dete hain, kabhi family time ki kurbani dekar school ke functions , sports ya extra classes mein participate karte hain. Unke dil mein bhi dard hota hai , thakan hoti hai par bo sab chupa kar ek mentor ban kar samne aate hain aur jab ek student respect se "Thank you sir" bolta hai bo hi unke liye sabse bada inaam hota hai.

♥️Teachers ki Sachi Sabse Badi Khushi

Chahe teachers male ho ya female dono apni alag alag zimmedariyan sambhalte hain. Par unka ek hi sapna hota hai apne students ke successful dekhna. Apki ek choti si smile, ek progress report ya ek pyara sa thank you unke liye duniya ka sabse bada gift hai isliye yaad rakho teachers bhi insaan hote hain. Bo apni mushkilen chupakar sirf isliye khade hote hain, taki ham sab ek behtar insaan ban sakein.