गांव माझा
गांव माझा
1 min
289
गांव माझा
डोंगराच्या पायथ्याशी गांव माझा
मांडला मी जीवनाचा डाव माझा.
गाळतो मी घाम तेथे खूप सारा
पाहता का काय तेव्हा आव माझा.
माल बाजारात जेव्हा आणतो मी
सांगताही येत नाही भाव माझा.
पाहिला का आज आखाड्यात कोणी
रंगलेला झिंगलेला गांव माझा.
श्वास घेण्या प्राणवायू पाहिजे तर
ऐक सल्ला हाच 'झाडे लाव' माझा.
लाभले रे प्रेम जेथे खास तुजला
पंडिता तू आठवावा गांव माझा.