श्रम
श्रम
1 min
314
सोड आळस मानवा
किती तुजला सांगावे
पूजा करून श्रमाची
धन आरोग्य लाभावे
असा कसा रे माणूस
विसरला तू श्रमाला
वस्तू चैनिच्या भोगून
निमंत्रण आजाराला
नको बाळगूस लाज
श्रम आणिक कष्टाची
होई प्रगती सारीच
घरदार संसाराची
घाम कायेतून निघे
होई रोमरोमा हर्ष
घामेजल्या देहा बघ
वारा करीतो रे स्पर्श
गार झुळूक वाऱ्याची
तन मना सुखावते
कसे सांगू रे तुजला
शांती चित्तास लाभते