वसंतोत्सव

रंगपंचमीचा गेला सण

रंगाची उधळण करत

गुढीपाडवा आला

मांगल्याची गुढी उभारत

वसंत ऋतूची चाहूलच

आहे खरी मनोहारी

निसर्ग अनुभवण्याचा

आनंद लय भारी

नसता पाऊस

सृष्टी ही बहरली

नववधूच्या शृंगारात

धरती ही नटली

कधी फेरीवाला

कधी जादूगार वाटतो

कधी पाहुणा

कधी 'अनंगदेवाचा प्रेषित' भासतो

नाद, रूप, रंग, गंध, स्पर्शून

धरेवर स्वर्ग निर्माण करतो

ऋतूश्रेष्ठ वसंत हा

ऋतूंचा राजा शोभतो

या आनंदसोहळ्यात

सामील होऊ या

रूपसगंधमय होऊनी

वसंतोत्सव साजरा करू या