वर्तमान
वर्तमान
भीषण वर्तमान जगतांना
भविष्यात अजून काय ?
छापील वाचून रोजचे
भरते मनास धडकी
,त्याचे काय ?
नजरेसमोर असणार्या त्या
समोरच्या छोट्या पडद्यावर
घसा खरवडून देतात २४ तास वृतांत
काय बोलतात ,कसे बोलतात ?
चीड आणणारी संवेदनाशून्यता
असते शब्दा शब्दात
वासनांध गिधाडे भवती
घिरट्या सदा घालतात
नाजूक घरटी पक्षीणीची
राजरोस उध्वस्त होतात
किती ही क्रूरता ,पाशवी वासना -सत्ता
विसर पडतो यांना - ह्याही भगिनी-माता
आतून हादरली ,बाहेरून बदलली
माणसे बदलली - वागणूक बदलली
वर्तमानातली भुतावळ असह्य झाली
बदलेल का हे सारे ? कधी नि केंव्हा ..?
हीच चिंता वर्तमानी