जीवनाच्या वाटा

जीवनाच्या वाटा

चला पार करूया

वेचूनिया तो काटा

सुकर होतील मग

या जीवनाच्या वाटा

आयुष्याचा हिंदोळा

चढ उतार त्या लाटा

दूर करून चला मग

या जीवनाच्या वाटा

सुख आणि दुःख

आयुष्याचा कोटा

हसत सामोरी जा

या जीवनाच्या वाटा

मित्र सगे सोयरे

जपा जशा नोटा

रोकडा होई व्यवहार

या जीवनाच्या वाटा

उने अधिक होईल

कधी नफा कधी तोटा

गणित ते सोडवतात

या जीवनाच्या वाटा

जीवन मरण सत्यच

घालाव्यात का खेटा

संपता संपेनात का ?

या जीवनाच्या वाटा