सुंदर सुरुवात....
सुंदर सुरुवात....
अजुनही आठवतात मला ते उडण्याचे दिवस
प्ंख नसूनही बागडण्याचे दिवस
बागेतून सैरभैर उडणारी फुलपाखरे
आणी त्यांच्यामागुन अनवाणी पायाने धावण्याचे दिवस....
अजुनही आठवतो ताईचा लाड
मी सर्वात धाकटा म्हणुन आवडे तीला फार
मस्तीत फुगवलेले गुलाबी गाल
अन रुसल्यावार मिळणारे आलिंगनाचे हार....
अजुनही आठवतात गगनात झेपावनारे
उन्च उंच झोके
जत्रेतली पिपाणी अन
हवेतले फुगे....
लहानपणीचे दिवस आठवुन डोळ्यात येते पानी
कधी येते हसू
तर कधी आठवतात गोड आठ्वणी
एकच वाटते मनी की परत छोटे व्हावे
आईच्या कुशित...ते ढगांच्या उशीत अलगद झोपी जावे
कधी विसरु नये अशी आयुष्याची सुंदर सुरुवात..
मोठे झालो तरी बालपण जगावे मनात...