सावर रे

निसर्गाची ही किमयागारी

अदभुत पसरली सृष्टी सारी

चराचराला नाविण्याची किनार

 घटना घडतात इथे चमत्कारी

कधी निसर्ग करतो बरसात

भरभरुन देतो प्रत्येक हातात

पण जेंव्हा कधी निसर्ग कोपतो

होत्याच नव्हत करतो क्षणात

निसर्गाच्या असतात नाना तऱ्हा 

त्याला कोण घालेल आवर रे

आलेल्या संकटांवर मात करत

मानवा तुच स्वतःला सावर रे

शिकून घे तू आपत्ती व्यवस्थापन 

अवकाळी संकटावर करण्या मात

दूरदृष्टी विना जगशील तू आज

तुझाच भविष्यात होईल रे घात

ओले कधी कोरडे दुष्काळ येतील

भुकंपाचे धक्केही सोसावे लागतील

पडलेल्या भिंती नि खचलेले मन

 तुलाच नव्याने बांधावे लागतील

निसर्गाचे कर काळजीने संवर्धन 

आपत्तीपुढे मानू नको कधी हार

सृष्टी चक्राला समजावून घेवून

बुद्धीने कर या संकटावर प्रहार!!!!!!