Quotes New

Audio

Forum

Read

Contests


Write

Sign in
Wohoo!,
Dear user,
एक ढग
एक ढग
★★★★★

© गोविंद ठोंबरे

Others

1 Minutes   291    8


Content Ranking

एक ढग इथंही दाव देवा

अन् येऊ दे समद्या गावात पूर

वाहून जाऊ दे म्हातारी माय माझी

अन् तिचा दुःखाने दाटलेला ऊर


थांग पत्ता बी नगं बापाला

अन् शोधू दे साऱ्या रानावनात ती कांती

रडू दे त्याच्या काळीजकोंडीला

अन् भरू दे समद्या भेगाळलेल्या मूठमाती


तो फासही ओला होऊ दे

अन् भिजू दे माळवदाची बिती कहाणी

ढग फुटून बारबार ऐसा बरसू दे

अन् होऊ दे त्राहीमाम करपल्या रानी


पाट वाहू दे वावरात साऱ्या

अन् घुमू दे दगड माथ्याची जुबानी

बांध-बांध सारे फुटू दे

अन् होऊ दे कष्ट सारे चिखलपाणी


टाक भेदरून बोडके रानमाळ

अन् कर्कश होऊ दे किंकाळी

मिटू दे तृष्णा एकदाचीच सारी

अन् निघू दे रात गर्द नभातून काळी


एक ढग खरंच दाव देवा

अन् दिसू दे भयंकर पाणी-पाणी

मिटू दे मरण कोरड्या डोळ्यातले आता

अन् थांबू दे वनवास हा, चालला अनवाणी... चालला अनवाणी...

ढग पूर मूठमाती फास रानमाळ

Rate the content


Originality
Flow
Language
Cover design

Comments

Post

Some text some message..