घर
घर
1 min
295
घर म्हणजे नसते
भिंती केवळ सुंदर
तिथे असावे वात्सल्य
प्रेम जिव्हाळा संस्कार।।१।।
अंगणात सदोदित
चाले लेकरांचे खेळ
त्यांचा गोंगाट ऐकून
भासे भरले गोकुळ ।।२।।
खेळ मुलांना खेळाया
तिथे असो पटांगण
चिऊ काऊसाठी दाणे
आणि मोकळे अंगण।।३।।
आल्या अतिथिंचे तिथे
व्हावे स्वागत प्रेमाने
जाऊ नये भिक्षेकरी
कधी रिकाम्या हाताने।।४।।
येण्या घरा घरपण
सुशोभन माणसांचे
अनुभवी वृद्धजन
हेच वैभव घराचे।।५।