नजर...!
नजर...!
नजर म्हणताच
नजर सर्रकन फिरते
आत आत
खोलवर
अंतरात जाऊन भिडते
एक कटाक्ष
सर्व काही
सांगून जातो
किती तरी
भाव मनाचे उलगडतो
पण
नजरेनेच खूप काही
प्रताप घडतात
इतिहास घडतात
इतिहास रचले जातात
नजर जितकी चांगली
तितकीच घातक
नजर म्हणजे दुधारी तलवार
जो नजरेने घायाळ झाला
तो कामातून गेला हे सत्य
नजर लागणे
नजर लावणे
नजर काढणे
किती तरी नजरेचे
नखरे आजवर पाहिले
पण
एक नजर
सर्वात चांगली
जी नम्रतेचा भाव जाणते
नम्रतेचा भाव जाते
आणि नम्रतेने सदा झुकते
आणि
तीच खरी
सारे जिंकते
तिथेच सर्वस्व
समर्पण भावना
सदैव वसते
म्हणून अशी नजर
उरात घर करते
आणि
सदैव चिरंतन
चिरंजीव होऊन
जन्मभर
ठाण मांडून
अंतरात राहते....!