गुरुचे महत्व

उपदेश बहूमोलाचा

चार ओळीतून मिळाला

चैतन्याचा मागोवा घेताना

मला कृपा प्रसाद लाभला

मरगळल्या जीवाला

स्फुर्ती स्पर्श झाला

जणू गंजल्यासी

आपसूक परिसस्पर्श झाला

योजना आखण्या

अगोदरच बेभान झालो

पुरेशी ऊर्जा घेऊनि

मी गुरूपद स्पर्श करुनी आलो

मज हवे ते मिळाले

गुरूदर्शनाने समाधान लाभले

आशीर्वादात गुरूच्या

जीवन भरून पावले

पाऊल एक पुन्हा

जोशात पुढे पडले

जीवनात पुन्हा एकदा

प्रयत्नाशी नाते जडले

गुरुचे महत्व

हरघडीस जाणवते

प्रत्येक क्षणी ते

सदैव उपयोगी पडते