માંગુ પ્રીત તમારી હું
માંગુ પ્રીત તમારી હું
પાય પડીને માંગુ સદા પ્રીત તમારી હું
ઝાંઝર બનાવ તારા પગનું
ચરણોમાં પડી રહું રાતદિન
છમછમ છમછમ નાચું તુજ સંગ
માંગુ સાથ સદા તારો હું
દોડે સીમમાં ધેનુની સંગે સંગે તું
દોડું તારી સંગે સંગે હું સાથમાં
નાચે ગોપગોપીની સંગે તાલમાં તું
નાચું તારી સંગેસંગે હું સાથમાં
ઘુંઘરું બનીને તારા પગનું
વળગી રહું તને હું રાતદિન
ઘમઘમ ઘમઘમ રણકતું તુજ સંગ
માંગુ પ્રીત તમારી હું.
રાસે રમે વૃંદાવનમાં રાધાની સંગે તું
રહુંતારી સંગે ને સંગે હું રાસલીલામાં
સોળ સોળ ગોપીઓનો કાન બને તું
સોળ સોળ કાન બનીને નાચે તું
સાંકળી બનીને તારા પગમાં
સરસરસર દોડતી રહું હું સંગમાં
રુમઝુમ રુમઝુમ કરું તુજ સંગ
માંગુ પ્રીત તમારી હું .