વણથંભી વણઝાર

સ્મૃતિઓની વણથંભી વણઝાર

કયારેય થંભતી નથી

સ્મૃતિઓના પડળો પર એક પછી

એક થરો જમા થતા જાયછે

અને સૂતેલી સ્મૃતિઓનો ભાર લાગે છે

આ સ્મૃતિઓ આપણ ને પળે પળ

દઝાડયા કરે છે

કયારેય ન ભરાય એવું એકાંત,

ખોટા દિલાસા કે મળીશું જરુર મળીશું

એ ભિતરના ખાલીપનને

ભરવા નાકામ નીવડે છે.

ઘેરી ઉદાસી આખા

અસ્તિત્વને ઘેરી વળેછે

આ પીડા શબ્દોની આડમા સંકોરવી

કે અક્ષરોની આરસીમાં

ઉપસાવવી અશક્યછે