ଉତ୍ତରଣ

ବହୁତ ବାଧି ଥିଲା ମୋ ଅନ୍ତରକୁ

ଯେତେବେଳେ ଜାଣିଲି ମୁଁ

ତୁମ ପାଇଁ ପ୍ରାଥମିକତା ନୁହଁ ବିକଳ୍ପଟିଏ।

ମୁଁ ତ ମାଗିଥିଲି ଲୁହର ଟିକି ଝରଣା ଟିଏ।

ହସର ଅବିଭାଜ୍ୟ ସମୁଦ୍ର ନୁହଁ।

ସ୍ତବ୍ଧ ମୁଁ ତୁମର ଏ ପରିବର୍ତ୍ତନରେ

କେବେ ଥିଲି ମୁଁ ତୁମ ପାଇଁ ସମଗ୍ର ସମୟ ,

ଆଜି ବର୍ଜିତ ବସ୍ତୁ ଟିଏ ।

ସେଥିପାଇଁ ମୋ ଭିତରେ ଏ ସଙ୍କୋଚନ ,

ଛିନ୍ନ ମନସ୍କତା ଉଦାସୀନତା

ସହସ୍ର ବର୍ଷ ର ପିରାମିଡିୟ ନୀରବତା।

ନିଷ୍କାମ ପ୍ରେମ ସାଥେ ଯନ୍ତ୍ରଣା ସହନୀୟ

ସତେ କ'ଣ ପ୍ରେମ ସାଥେ ପ୍ରତାରଣା କ୍ଷମଣୀୟ ?

ଆଜି ମୁଁ ନିର୍ବାକ ,ଆତ୍ମଲୀନ ଆତ୍ମସଚେତନ

ମୁଖରେ ମୋ ସୂର୍ଯ୍ୟଦୀପ୍ତ ହସ

ସୁଡଙ୍ଗ ଶେଷରେ ସୂର୍ଯ୍ୟଦୟ ସନ୍ଧାନର ଆତ୍ମସନ୍ତୋଷ।