ତୁମ ବିନା ଭଲ ଲାଗେନା
ତୁମ ବିନା ଭଲ ଲାଗେନା
1 min
262
ତୁମ ବିନା କିଛି ଭଲ ଲାଗେନା ଗୋ
ମୋ ଘର ଅଗଣା ଆଜି
ନିର୍ଜନତା କୋଳେ ଉଦାସ ଖେଳୁଛି
ନେତ୍ର ନୀରେ ଭିଜି ଭିଜି ।
କଳା କୋଟ୍ ପିନ୍ଧି ରଜନୀ ବୁଲୁୁୁଛି
ଦିଶେନା ଚାନ୍ଦର ମୁଖ
ମଳୟ ବାନ୍ଧିିିଛି ଶିତଳ ତୋରଣ
ତଥାପି ଲାଗେନା ସୁଖ ।
ରଙ୍ଗର ଫୁଆର ଭାସୁଛି ଧରାରେ
ଋତୁପର୍ଣ୍ଣୀ ଦିଶେ ମହୀ
ପ୍ରକୃତି ରାଣୀଟା ଫୁୁଲ ଶେଯ ପାତି
କରିବାକୁ ଚାହେଁ ବାଇ ।
ବିଦାୟ ମେଲାଣି ପୌଷ ମାଘ ଶୀତ
ଆସିଛି ଫଗୁଣ ବେଳା
ତୁମ ବିନା ସାଥୀ ଜୀବନ ଅଧୁରା
ବିନା କୂୂୂଳେ ପ୍ରୀତି ଭେଳା ।
ରଙ୍ଗ ଛୁଏଁ ନାହିଁ ତନୁ ମନ ମୋର
ଭାବନା ବେରଙ୍ଗ ପରି
ଫିକା ଫିକା ଲାଗେ ଫଗୁଣ ବାସନା
କେହି ନୁହେଁ ତୁମ ସରି ।