Library
ପାଗଳ କି ମୁଁ
ପାଗଳ କି ମୁଁ
ପାଗଳ କି ମୁଁ
ଦେଶ କଥା କହୁଛି
ପାଗଳ କି ମୁଁ
ପରିବେଶ କଥା କହୁଛି ?
ପାଗଳ କି ମୁଁ
ଜୀବନ ଜୀବିକା କଥା କହୁଛି
ପାଗଳ କି ମୁଁ
ଦେଶର ଅର୍ଥନୈତିକ
ସାମାଜିକ, ରାଜନୈତିକ
ସ୍ଥିତି ବାବଦରେ କହୁଛି ?
ପାଗଳ କି ମୁଁ
ମୋ ଦେଶର
ଶିକ୍ଷା ସ୍ଵାସ୍ଥ୍ୟ ବ୍ୟବସ୍ଥା କଥା କହୁଛି ?
ପାଗଳ କି ମୁଁ
ମୋ ଦେଶର
ଶାସନ ପ୍ରଶାସନ ବ୍ୟବସ୍ଥା କଥା କହୁଛି ?
ପାଗଳ କି ମୁଁ
ମୋ ଦେଶର
ବେକାରୀ ସମସ୍ୟା କଥା କହୁଛି ?
ପାଗଳ କି ମୁଁ
ମୋ ଦେଶର କୃଷି କୃଷକ ଓ ଶ୍ରମିକ ଙ୍କ
ସମସ୍ୟା କଥା କହୁଛି ?
ପାଗଳ କି ମୁଁ
ମୋ ଦେଶର ନେତୃତ୍ଵ ଙ୍କ କଥା କହୁଛି
ନାରୀ ନିର୍ଯ୍ୟାତନା
ବଧୂ ନିର୍ଯ୍ୟାତନା କଥା କହୁଛି ।
ପାଗଳ କି ମୁଁ
ଭୃଣ ହତ୍ୟା
ଯୌତୁକ ନିର୍ଯ୍ୟାତନା କଥା କହୁଛି ?
ପାଗଳ କି ମୁଁ
ନିରକ୍ଷରତା ଓ ଦାରିଦ୍ର୍ୟତା
ବିରୁଦ୍ଧରେ କହୁଛି ?
ପାଗଳ କି ମୁଁ
ମୋ ଗାଁ
ମୋ ମାଟି କଥା କହୁଛି ?
ପାଗଳ କି ମୁଁ
ଯୁଦ୍ଧ ବିରୁଦ୍ଧରେ
ପୁଞ୍ଜିବାଦ ଓ ପୁଞ୍ଜିପତି ଙ୍କ
ବିରୁଦ୍ଧରେ ମୁଁ କହୁଛି ?
ପାଗଳ କି ମୁଁ
ସାମ୍ୟବାଦ ଓ ସମତା ମମତା
ସପକ୍ଷରେ କହୁଛି ?
ପାଗଳ କି ମୁଁ
ସାମ୍ରାଜ୍ୟ ବାଦ ଓ
ଉପନିବେଶ ବାଦ
ବିରୁଦ୍ଧରେ କହୁଛି ?
ପାଗଳ କି ମୁଁ
ଶ୍ରେଣୀ ହୀନ ସମାଜ କଥା କହୁଛି
ଯେଉଁଠି ଧନୀ ଦରିଦ୍ର ମଧ୍ୟରେ ପାର୍ଥକ୍ୟ
ନ ଥିବା କଥା କହୁଛି ?
ପାଗଳ କି ମୁଁ
ମହିଳା ଓ ପୁରୁଷ ଙ୍କ ମଧ୍ୟେ
ପାର୍ଥକ୍ୟ ନ ଥିବା କଥା କହୁଛି ?
ପାଗଳ କି ମୁଁ
ସାଧାରଣ ଜନତାଙ୍କ
ସୁଖ ସମୃଦ୍ଧି ଦେବାଲାଗି
ସରକାର ଙ୍କ ଦାୟିତ୍ଵ ବୋଧତା
କଥା କହୁଛି ?
ପାଗଳ କି ମୁଁ
ଦୁର୍ନୀତି ଭ୍ରଷ୍ଟାଚାର
ବିରୁଦ୍ଧରେ କହୁଛି ?
ପାଗଳ କି ମୁଁ
ଗଣତନ୍ତ୍ର ସପକ୍ଷରେ କହୁଛି
ଲୋକ ମାନଙ୍କର, ଲୋକ ମାନଙ୍କ ଦ୍ଵାରା
ଲୋକମାନଙ୍କ ଶାସନ ବୋଲି
ଗଣତନ୍ତ୍ର ଶାସନକୁ କହୁଛି ?
ପାଗଳ କି ମୁଁ
ସମସ୍ତ ନାଗରିକଙ୍କ
ସମାନ ଅଧିକାର ବୋଲି କହୁଛି
ଜାତି, ଧର୍ମ, ବର୍ଣ୍ଣ ଓ ଲିଙ୍ଗ
ନିର୍ବିଶେଷରେ ସମସ୍ତେ
ସମାନ ବୋଲି କହୁଛି ?
ପାଗଳ କି ମୁଁ
ଅବ୍ୟବସ୍ଥା ମଧ୍ୟରେ
ବ୍ୟବସ୍ଥା କୁ ସଜାଡିବାକୁ କହୁଛି ?
ପାଗଳ କି ମୁଁ
ପୁଞ୍ଜିବାଦକୁ ହଟାଇ
ସମାଜ ସଂସ୍କାର କରି
ସମାଜବାଦ ପ୍ରତିଷ୍ଠା କରିବା ପାଇଁ ?
ପାଗଳ କି ମୁଁ
ମୋ ଦେଶର ବ୍ୟବସ୍ଥା କୁ
ସଜାଡିବାକୁ କହିବା ପାଇଁ ?
ପାଗଳ କି ମୁଁ
ରାଷ୍ଟ ନାୟକ ନ ହୋଇ ବି
ରାଷ୍ଟ୍ର ର ନାଗରିକ ସପକ୍ଷରେ
କହିବା ପାଇଁ ?
ପାଗଳ କି ମୁଁ
ନାଗରିକ ର ସର୍ବ ନିମ୍ନ
ଅଧିକାର କଥା କହିବା ପାଇଁ ?
