ନମସ୍ତେ ପ୍ରଭୁ ବଳଦେବ
ନମସ୍ତେ ପ୍ରଭୁ ବଳଦେବ
ନମସ୍ତେ ପ୍ରଭୁ ବଳଦେବ
ଜଗତ ଜନଙ୍କ ବାନ୍ଧବ
ନମସ୍ତେ ପ୍ରଭୁ ବାସୁଦେବ
ତୁ ଶେଷଦେବ ଆଦିଦେବ l
ନମସ୍ତେ ପ୍ରଭୁ ହଳ ଧର
ନାସିଲ କନ୍ଦରା ଅସୁର l
ନମସ୍ତେ ପ୍ରଭୁ କାମପାଳ
ଆୟୁଧ ତୋ ହଳ ମୁଷଳ l
ନମସ୍ତେ ପ୍ରଭୁ ସଙ୍କର୍ଷଣ
ଧରାକୁ କରୁ ଆକର୍ଷଣ l
ନମସ୍ତେ ଅଚ୍ୟୁତ ଅଗ୍ରଜେ
ଜନମ ଲଭିଲ ବରଜେ l
ନମସ୍ତେ ରୋହିଣୀ ନନ୍ଦନ
ଯଶୋଦା ମାତା ପ୍ରାଣ ଧନ l
ନମସ୍ତେ ରେବତୀ ରମଣ
ଗଦାଯୁଦ୍ଧରେ ତୁ ପ୍ରବୀଣ l
ନମସ୍ତେ ଦେବ ତାଳଧ୍ୱଜୀ
ଧେନୁକା ତାଳବଣେ ଗଞ୍ଜି l
ନମସ୍ତେ ଦେବ ଶିରପାଣି
ଶିର ବିଦାରି ଶୋଭେ ମଣି l
ନମସ୍ତେ କାଳିନ୍ଦୀ ଭେଦନ
ଲାଙ୍ଗଳୀ ଯମୂନାକର୍ଷଣ l
ନମସ୍ତେ ପ୍ରଭୁ ବ୍ରହ୍ମରାଶି
ତୁଳସୀଦେବୀ ତୋ ପ୍ରେୟସୀ l
ନମସ୍ତେ ପ୍ରଭୁ ନୀଳବାସ
ତୁଳସୀ କ୍ଷେତ୍ରେ କଲ ବାସ l
ନମସ୍ତେ ପ୍ରଭୂ ହେ ଅନନ୍ତ
ତୋହର ନାହିଁ ଆଦି ଅନ୍ତ l
ନମସ୍ତେ ପ୍ରଭୁ ବଳରାମ
ବଳରେ କେହି ନୁହେଁ ସମ
ନମସ୍ତେ ପ୍ରଭୁ ପ୍ରଳମ୍ବାରୀ
ପ୍ରଳମ୍ବାସୁର ଵଧକାରୀ l
ଅସଂଖ୍ୟ ତୋର ନାମାବଳି
ସଂଖ୍ୟାରେ କିଏ ପାରେ କଳି l
ନମସ୍ତେ ପ୍ରଭୁ ଦୟାମୟ
ତୋ ପଦ ଅଭୟ ଆଶ୍ରୟ l
ସେ ପଦ୍ମପଦେ ଆଶ ମୋର
ସର୍ବଦା ରହିଥାଉ ସ୍ଥିର l