वसुंधरा

वसुंधरा

मातीचं उबटन

काळ्या सोन्याचं लेणं

मातीत जगणं मातीत मरणं

वसुंधरा

प्राणवायूचा आगर

सजीवांचा जीवांचा जागर

नीती मूल्यांची सुखाची घागर

वसुंधरा

पोटाशी धरते

जन्म मृत्यूला कवटाळते

सारी माझीच लेकरे सांगते

वसुंधरा

थकून गेली

ओझ्याखाली वाकून गेली

वृक्षतोडीच्या कत्तलीने संपत आली

करा

पाण्याचे संवर्धन

राखुया समतोल निसर्गाची

थांबवूया धूप हळहळत्या जमिनीची

टाळूया

वापर प्लास्टिकचा

स्वच्छ समुद्र नदीनाला

मुकी जनावरे मुकती प्राणाला

वीर

जवानांची भूमी

मातृभू रक्षणार्थ लढती

प्राणांची आहुती वसुंधरेस अर्पिती