विठ्ठल विठ्ठल

पंढरीचे स्नान । चंद्रभागे तिरी।

करिती दूर । पापे जनाची ।।

मारिली डुबकी । रोखला श्वास ।

जन्माची पापे । धुवूनी निघाली ।।

शारीरिक शुद्धी । करे चंद्रभागा ।

मनाची शुद्धी । राहुनी गेली ।।

मनाची शुद्धी । करे पांडुरंग ।

विटेवर उभा । हरी माझा ।।

माऊली माझी । जागी रात्रंदिनी।

आषाढीच्या दिनी । वेगळे काय ।।

वर्षभर थांबणेची । गरजच नाही ।

ओळख संकेत । विठू माऊलीचे ।।

मनी सदैव । भक्तीची चंद्रभागा ।

नामात डुंब । विठ्ठल विठ्ठल ।।