सावळा हरी

सावळा गं हरी माझा

कान्हा तो कृपाळा

खोड्या काढून क्रीडा करी

जमवुनी गोपाळा

गोपिकांना तो ताल धरवी

वाजवुनी पावा

नंद यशोदेच्या घरी

आला नंदलाला

बालरूपी लीला केल्या

हरवुनी कंसाला

गोप गोपी हरखुनी गेले

पाहुनी कालियामर्दनाला

नवयुगाचेच जणू सारथ्य केले

पांचजन्य वाजवुनी

जीवनाचेच जणू रहस्य उलगडले

भगवद्गीता सांगुनी

सावळा गं हरी माझा

कान्हा तो कृपाळा

खोड्या काढून क्रीडा करी

जमवुनी गोपाळा