सहज एकदा

सहज एकदा जाता जाता

वळून मागे पहावं म्हटलं

कोरड्या त्या जखमेला डिवचून

ओली पुन्हा करावं म्हटलं

उंच झोका झुलता झुलता

क्षणभर थांबून बघावं म्हटलं

खवळलेल्या समुद्रात नाव रेटून

शांत पुन्हा जगावं म्हटलं

कोसळत्या सरी पाहता पाहता

चिंब मनसोक्त भिजावं म्हटलं

बाहेरून हसऱ्या चेहऱ्याला झुगारून

हमसून पुन्हा रडावं म्हटलं

हमसून पुन्हा रडता रडता

उंच झोका झुलावं म्हटलं

तसंच मागे वळून पाहुन

परत पुढे निघावं म्हटलं