राजकारण

सुधारणांच्या ह्या हातांना

राजकारणाचा कंप सुटतो

मग कुठे जाळपोळ कुठे निदर्शनं

तर कधी कुठे संप होतो

विकासाच्या ह्या हिंदोळ्यावर

भ्रष्टाचाराचे झटके बसतात

मग कुठे समित्या कुठे सभात्याग

तर कुठे परिसंवादात खटके उडतात

निवडणुकींच्या ह्या दिवाळीत

आश्वासनांचे बार फुटतात

मग कुठे युती कुठे नीती

तर कुठे पक्षांतराची दारे खुलतात

मतदानाच्या ह्या गाण्याला

सहलींच्या चाली सर्रास लागतात

मग कुठे उपोषणं कुठे धरणं

तर कुठे विडंबनं हमखास छपतात