वचनबद्ध

खोडासारखी झाडाला देण्यासाथ

मुळांचा आधार तग धरते

वचनबद्ध आहे मी

माती पाण्याला जाब विचारते

लिहिले सटविणे कितीही

नशीब खराब तरी

वचनबद्ध आहे मी

खोडून रबरासारखे घासले जरी

कर तू चुका पूर्वग्रहाने

काळजात केल्या बंद

वचनबद्ध आहे मी

मेले तरी असतील त्या जेरबंद

मुर्दाड ही व्यवस्था

जितेपणावर बघ उठली

वचनबद्ध आहे मी

सरण जाळून चितेवर बसली

देवदासी खरी ती

देवळातच दंगल करते

वचनबद्ध आहे मी

फुल्यांच्या परड्या मोडते