तुझ्या आठवणींना
तुझ्या आठवणींना
तूझ्या आठवणींना एक नवी
कहाणी देतोय मी
उदास जीवनाला आठवणीच्या
खाणी देतोय मी ||0||
खडबडून जाग्या झाल्यात
का क्षणार्धात गत गोष्टी
साथ देतेय त्यांच्या गतीला
त्यांना समजून घेत सृष्टी
तडफडणाऱ्या हृदयाला गोड
गाणी देतोय मी
उदास जीवनाला आठवणीच्या
खाणी देतोय मी ||1||
काहीतरी कुठेतरी
अधुरी एक कथा आहे
भावनांची व्यथित करणारी
अशीच एक व्यथा आहे
मुक्या भावनांना एक मधूर
वाणी देतोय मी
उदास जीवनाला आठवणीच्या
खाणी देतोय मी ||2||
सारं दुःख जगातलं
कवडीमोल जाणवतं
तूझी साथ असली तरच
हे जगणं मानवतं
विखूरलेल्या प्रीतीला एक नवी
फुलदाणी देतोय मी
उदास जीवनाला आठवणींच्या
खाणी देतोय मी ||3||