तहानलेलं मन

तुझ्या आठवणीत मला लिहावंसं वाटते

लिहायला बसलो की तूच समोर दिसते||

सर्व कामे सोडून मी तुझ्यात रमून जातो 

तुझाच विचार करत तुलाच बघत बसतो||

तू आणि मी नदीचे दोन किनारे 

आयुष्यभर सोबत राहूनही न भेटणारे||

संपत नाही दिवस रात्र तुझ्या आठवणीशिवाय 

तुझे रुसवे फुगवे आठवतात आजही तुझ्याशिवाय||

तू मला नकार देशील असं कधी झालं नाही 

माझं प्रेम तुझ्यासाठी अजिबात दुबळे नाही||

असं कसं प्रेम आहे न तहान आहे न भूक आहे 

फक्त तुला भेटण्यासाठी माझं मन व्याकुळ आहे||

वाटते तुझे भेटीचे क्षण कधीही संपू नये 

मनाला मोहून टाकणारे क्षण कधी दूर जाऊ नये||

अशाच घट्ट राहू देत तुझ्या प्रेमाच्या भेटी-गाठी 

आणि मी लिहितच राहिल फक्त फक्त तुझ्यासाठी||