तेजोनिधी

पटल तमाचे विरले

रश्मीकिरण उगवले

क्षितीवर लाली उधळे

नभोमंडल उजळले

अंधार विरुनी जाताच

आला नभांगणी भास्कर

वसुंधरा मनी हर्षित

स्वागता येतसे तत्पर

तम रजनीचा सारथी

किरण तेजस्वी मित्राचे

भार सृष्टीचा रविवरी

बळ प्रकाश अधिपतीचे

प्रकाशले अवघे विश्व

उजळे सोनकिरणांत

महाशक्तीशाली तेजस्वी 

झळकतो रवि नभात

तेजोवलय किरणांचे

बलाढ्य अनाकलनीय

कोविडचा संहार करी

सर्व जगाला वंदनीय