ते बेट

बेट म्हटलं की आठवतं मला

जगातील सर्वात मोठं ते बेट

पोहोचते मी माझ्या आवडत्या

आठवणींच्या गावात जाऊन थेट

विशाल पात्राच्या मधोमध बोट

बोटीच्या डेकवर झोंबणारा वारा

वाऱ्याने उडणारे केस सावरणारी ती

बोटीसवे हलकेच हेलकावे घेणारा मी

नजरेस दूरदूर पर्यंत पाणीच पाणी

खालून ऐकू येणारी अरिजीतची गाणी

अचानक दृष्टीस पडणारं हिरवंगार बेट

अन् सुस्वागतम करणारं रंगीबेरंगी गेट

उंच उंच झाडांच्या सावलीतून रस्ता

घरांच्या अंगणात तळ्याचा शिरस्ता

बांबूच्या मचाणावर बांबूची घरं

नी घरांच्या छतावर झावळे

भवती मोहरीची पिवळी शेतं

नी बहरलेले चहाचे मळेच मळे

ब्रह्मपुत्र नद ने वेढलेलं

दिवसागणिक छोटं होणारं

प्रवासी पक्षांचे आवडते स्थळ

पर्यटकांना घालते निसर्गाची गळ

महत् सत्र परंपरेने सजलेलं

नाट्य-नृत्य कलेने नटलेलं

सांस्कृतिक राजधानी आसामची

माजुली बेट आहे शान भारताची

🔸🔹🔸💠🔸🔹🔸🌿