सोनसळी पैलतीर
सोनसळी पैलतीर
1 min
240
होऊ नको सखे दुःखी
आता उरलो दोघेच
सारीपाट आयुष्याचा
डाव खेळूया इथेच
नको रुसवे फुगवे
प्रेमभ-या गुजगोष्टी
दारी ये कांचनसंध्या
जाऊ स्वागतास जोडी
नातीगोती विरलीशी
नको जुन्या आठवणी
नव्या सोनपटावरी
मधुरशा गुजगोष्टी
पैलतीर लांबवर
आता दृगोचर असे
प्रीती तराण्यांची मजा
लुटू दोघे मोदभरे
सोनसळी पैलतीर
स्थिती उत्पत्ती नि लय
सृष्टीचक्र स्विकारले
आता न कसले भय
आनंदाचे धाम सखे
आता हात हाती घेऊ
आनंदाने नाचू गाऊ
प्रेमसागरात रमू
