संसार सुखाचा

संसार नाही फक्त दोघांचा,

आहे साऱ्या कुटुंबाचा,

सासूसासरे, नणंद, दीर,

आणि आहे जावाभावांचा.

खेळती बागडती लहानगी,

आणि आहे थोरामोठ्यांचा,

एकत्र साऱ्यानी मिळूनमिसळून,

. हसतखेळत वावरण्याचा.

झाल्या जरी चुका काही,

समजावून सांगण्याचा,

आल्या काही अडचणी,

सर्वांनी सामोरं जाण्याचा.

होतील भांडणतंटे कधी,

सामोपचाराने मिटवण्याचा,

एकमेकांना समजुन घेऊन,

अधिकाधिक फुलवण्याचा.