सण रक्षाबंधनाचा

कधी कधी दंगा मस्ती

कधी लटके भांडण

त्याने दणाणून जाई

साऱ्या घराचे अंगण

लग्न होऊन बहीण

तिचा संसार थाटते

भावा पासून लाडकी

ताई दूर देशी जाते

बंध रेशमी धाग्याचा

ओढ लागते जीवाला

येता राखीचा उत्सव

ताई येते माहेराला

राखी बांधते भावाला

आणि सांगते देवाला

सुखी ठेव नारायणा

बहिणीच्या बांधवाला

सण अतूट प्रीतीचा

मऊ मऊ रेशमाचा

हळुवार गुंफीतसे

धागा पवित्र नात्याचा