समाधान

समाधान आहे कशात

नाही आपल्याला कळत

अडकते मन भौतिक

सुख देणाऱ्या गोष्टींत

समाधान मानण्यावर असते

समाधान नसे गोष्टीत

अंथरूण पाहून पाय पसरण्यात

दडते आपल्या साऱ्यांचे हित

समाधान दुसऱ्यांच्या मदतीला धावण्यात

समाधान वेळोवेळी उपयोगी पडण्यात

समाधान रक्तदान करण्यात

समाधान ज्ञान देण्यात

समाधान मिळता होई मन तृप्त

न वाटे लालसा ना वाटे मत्सर

काही नसताना वाटे श्रीमंती

अवलंबले साऱ्यांनी तंत्र जर