श्री महालक्ष्मी प्रसन्न ...

ओम नमो नारायणी

सहज ओठी येते

वाचा काया सारी

शुचिर्भूत शुद्ध होते

पूर्णिमेचा चंद्रही पहा

तेजाचा दीप प्रज्वलित करतो

त्रिपुरारी पौर्णिमेचे औचित्य साधून

आसमंत सारा तेजोमय होतो

तेज दिव्यांचे आई पहा

पाणीदार डोळ्यात आपल्या साठवते

युगान युगे तेच तेज सदैव

आम्हास आशीर्वाद रूपे अविरत वाटते

दर्शन घेता दुःख दारिद्री अवघे

दूर पळून जाते

सौख्य समाधान शांती घेऊन

श्री महालक्ष्मी माझ्या घरी येते...!