सहजीवन

उंबरठ्यावरी भार्या

हात हातात गुंफुनी

माप सोन ओलांडूनी

भाग्यलक्ष्मी ये जीवनी

सुख दुःखात दिलीस

मज आनंदाने साथ

कधी नाही भांडलीस

नाही घातलास वाद

मन निर्मळ गे सखे

सुखदुःख गोड माने

डोळ्यातील अश्रू त्वरे

मागे नेशी शिताफीने

माझा फाटका प्रपंच

शिवलीस तू रजई

दुःख आतच सारुनी

सजविली अस्तरानी

वर्षे गेली भराभरा

दंग मी सहजीवनी

आली ही कांचनसंध्या 

स्वागतास आनंदानी

सुखी मी कृतार्थ मी

बहरले सौख्य मनी

साथ दे मज वल्लभे

मजलागी जन्मोजन्मी